s’Minschter

Hitt schiint d’Sunne uns scheen aa,
drum gang ich zem Fährimaa;
Sag em hi und zrugg, bitte,
s’Minschter wett ich hitte gseh!

Suscht gfallts mr dert äne nid,
doch da wunderscheeni Blick,
isch halt mit nid z’vergliiche,
drum du n’ich mi beriich’re!

S’Minschter isch so wunderbar,
das isch mir jetz sunneklaar;
immer isch’s fantasitisch gsy,
s’Minschter a mym scheene Rhy!

© by boelleli, 30.03.94

Morgestraich, vorwärts, Marsch!

„Morgestraich, vorwärts, Marsch!“
Clique, gross und large;

Vortraab, Pfiffer, Drummler,
hän drei Daag kei Kummer!

Immer hett’s viil Lyt,
doch das stört Clique nid;

Denn wenn de Fasnacht machsch,
denn pfiffsch nur no, und lachsch!

Wenn die bleede Ziircher,
aagmoolt wie ne Biircher;

Am Stroossegraabe stehen,
aber bald wieder göön!

Denn nur wenn d’Basler bisch,
verschtoosch, wie scheen das isch;

Gässle bis am Morge,
ohni d’Altagssorge!

Am Mittwuch nimmsch dr voor:
Ich gang wieder, s’nögschti Johr!